Կարծում եք միայն շենքի արտաքին տե՞սքն է զարմացնում և հիացնում։ Առաջարկում ենք տեղափոխվել շենքի ներս և տեսնել, թե ինչ է Ձեզ սպասվում։ Համալիրի շքամուտքերը ձևավորվել և նախագծվել են անկրկնելի ճաշակով՝ կրկին զուգակցելով դասականը և մոդեռնը։ Շքամուտքն ընդարձակ է և լուսավոր, նրբաճաշակ և հարուստ․ այն ամբողջովին պատված է հնդկական թանկարժեք կանաչ մարմարով, իսկ պատերը սպիտակ տրավերտինով և այլ բնական քարերով։
Ժամանակակից դիզայնի լավագույն լուծումներով կահավորված նախասրահում Դուք կհանդիպեք ընդունարանի բարյացակամ աշխատակցուհուն, ով 24 ժամ շարունակ սպասարկելու է համալիրի բնակիչների տարաբնույթ պահանջները՝ դառնալով Ձեր հոգատար ընտանիքի մի մասնիկը։ Ընդունարանում տեղակայված են բազմոցներ, սեղաններ և այլ կահավորանք Ձեր և Ձեր հյուրերի սպասելաժամանակը հետաքրքիր և արագանցիկ դարձնելու համար։
Մոտենալով վերելակների սրահին՝ Դուք կտեսնեք աշխարահռչակ WITTUR ընկերության կողմից արտադրած W LINE մոդելի վերելակները։ Այս ընկերությունը հիմնադրվել է 1968թ․ Գերմանիայի Մյունխեն քաղաքում, և այսօր հանդիսանում է տեխնոլոգիապես ամենազարգացած ընկերություններից մեկն իր ոլորտում՝ գրանցելով 500-ից ավելի հեղինակային իրավունքներ և պատենդներ WITTUR։ Դուք հավանաբար լսել եք բազմաթիվ այլ վերելակ արտադրող ընկերությունների անուններ, բայց այս անվանումը հասանելի է միայն լավագույն բնակելի շենքերին։ W LINE մոդելի վերելակները պատրաստված են հատուկ նրբագեղությամբ։ Դրանք ընդարձակ են, անաղմուկ, արագ, հուսալի և հարմարավետ։ Մենք անում ենք ամեն ինչ, որպեսզի վերելակում անցկացրած վայրկյանները Ձեզ համար լինեն իրապես հաճելի։
